АСК Скопје – Членка на Пактот за вештини #PactForSkills (2025)
АСК е горда членка на Пактот за вештини #PactForSkills, иницијатива на Европската комисија посветена на зајакнување на работната сила во Европа, во услови на постојано менување на пазарот на трудот.
Со пристапувањето кон Пактот, се обврзуваме на:
- градење силни партнерства за вештини преку развивање или приклучување кон мрежа на засегнати страна
- следење на понудата/побарувачката за вештини и предвидување на потребите од вештини преку идентификување на потребите за вештини и обука
- работа против дискриминацијата и за родова еднаквост и еднакви можности преку зајакнување на родовата еднаквост.
Како организација целосно посветена на кариерното советување, особено се залагаме за промовирање култура на доживотно учење за сите преку активности за преквалификација и унапредување на вештините за целните групи (ранливи групи, возрасни, млади).
Дознајте повеќе:
https://pact-for-skills.ec.europa.eu/index_en
АСК Скопје – Клучна улога во развојот на стандардите за професијата кариерен советник во Северна Македонија
АСК Скопје има клучна улога како член на Националниот тим задолжен за изработка на стандарди за занимања и квалификации за професијата кариерен советник. Во рамки на оваа иницијатива, организацијата со својата експертиза дава придонес во процесот на дефинирање компетенциите, знаењата и етичките стандарди што се очекува да ги поседуваат кариерните советници.
Преку своето учество, АСК Скопје не само што придонесува за подигнување на квалитетот на професионалното кариерно советување, туку и ја зајакнува видливоста и вредноста на професијата на национално ниво. Оваа работа обезбедува конзистентни, стандардизирани и висококвалитетни услуги за кариерен развој, кои им помагаат на поединците да донесат информирани образовни и професионални одлуки.
АСК Скопје – Носител на ознаката „Доверба“
Во 2024 година, АСК Скопје ја доби престижната ознака „Доверба“, признание кое ја истакнува посветеноста на организацијата кон транспарентно и професионално работење и делување во најдобар интерес на своите корисници. Оваа ознака им се доделува на организации кои континуирано демонстрираат највисоки стандарди на интегритет, одговорност и квалитет на услуги, одразувајќи ја нивната посветеност на извонредноста.
Ознаката „Доверба“ ја нагласува континуираната определба на АСК Скопје кон етички практики, јасни организациски процедури и постојано унапредување на услугите за кариерен развој и советување. Дополнително, оваа ознака ја зајакнува довербата на членовите, партнерите и пошироката заедница, нудејќи сигурност дека поддршката и услугите што ги обезбедува организацијата се доверливи, професионални и од извонреден квалитет.
Добивањето на ознаката „Доверба“ претставува значајна пресвртница за АСК Скопје. Тоа не само што ги валидира досегашните постигнувања на организацијата, туку и ја зајакнува нејзината мисија понатаму да се развива и да воведува иновации во областа на кариерното советување. Со одржување на овие високи стандарди, АСК Скопје продолжува значајно да придонесува кон растот и професионалниот развој на поединците и кон напредокот на практиките за кариерен развој во регионот.
АСК Скопје е горд член на IAEVG
Стартувајќи од јуни 2023 година АСК Скопје е горд член на IAEVG (The International Association for Educational and Vocational Guidance), непрофитна организација која обезбедува глобално лидерство и застапување за водство преку промоција на етички, социјално праведни и најдобри практики од целиот свет за да може кариерното, стручното и образовното водство од страна на компетентни и квалификувани професионалци да биде достапно на сите граѓани. Со ова, нашите членови не само што ќе имаат можност за размена на искуства и вмрежување со експерти и кариерни советници од целиот свет, туку ќе имаат прилика да ги следат содржините, билтените и обуките стекнувајќи се со континуиран професионален развој.
- Изборно собрание на АСК, 2019 Изборното собрание се одржа на 17 Мај 2019 година, каде според Статутот на АСК, раководството презентираше извештај од постигнатите цели и резултати во 2те години на водење на АСК. Следна активност на собранието вклучуваше предлагање на новите кандидати како и гласање од страна на сите активни членови на АСК.
На ова собрание, за раководство на АСК во следните 2 години, беа изгласани Ивана Дојчиновска Стојановиќ како претседател на АСК и Гордана Стефковска Вељановска како претседател на Собрание.
- Учество на европската конференција за GCDF кариерни советници 2018 во Букурешт, Романијa
- Април 2013, Тркалезна маса на Humanopolis ASK на тема важноста на кариерното советување за поедниците, организациите и општеството.
